怕醜妹陳潔玲 恨拍搞笑劇

20150201
東網電視
更多新聞短片
陳潔玲早前以三點式上陣與陳華鑫拍劇,相當吸引!
2012年落選港姐、有「翻版陳妍希」之稱的藝人陳潔玲在無綫劇集《飛虎II》中飾演跛腳女殺手而為人熟悉,個性怕醜的她希望作「大膽」嘗試,就是與王祖藍及李思捷等笑匠演喜劇!
拍感情面紅
陳潔玲於2012年參選香港小姐後入行,因貌似台星陳妍希而被稱為「翻版陳妍希」,雖然十強止步,但獲無綫邀請加入藝員訓練班,並成為無綫藝員。早前她在《飛虎II》中飾演跛腳女殺手,令觀眾更為熟悉:「係我出藝訓班之後第一套拍嘅劇集,好緊張!因為我係好怕醜、好慢熱嘅人,加上成套劇都係男仔,就更加怕醜!」劇中與何君誠有感情線,雖然沒有親熱鏡頭,但簡單的對手戲足以令她面紅:「話晒都係第一次拍劇!」
「不一樣」的生活
對首次拍劇的陳潔玲來說,拍攝每一場都有新鮮感,不過最難忘的是《飛》劇中的爆破場面:「拍《飛虎II》用嘅係真槍實彈,有時導演會即場加戲,而且用真槍實彈會令大家更加緊張同投入!」拍畢《飛》劇後,她拍了新劇《陪著你走》,飾演蝦蝦霸霸的女明星,經常欺負樂瞳。問到為何個性格怕醜的她會加入娛樂圈?她表示是抱「想見識多啲嘢」的心態而入行:「嗰時選完港姐,公司搵我入藝訓班,不過我自小冇諗過會入呢行。」她透露當時讀完書,自覺世界太狹窄,想生活有不一樣的體驗與衝勁,遂決定選港姐。
問到入行後經歷是否不一樣?她點頭認同:「入行兩年,適應晒,覺得做演員好好玩,可以喺唔同角色做啲唔似自己嘅嘢。(能應付日夜顛倒嘅拍劇生活?)讀完藝訓班後愈嚟愈鍾意做戲,其實我唔使點休息都得,一日瞓幾個鐘都得,就算好攰,瞓兩個鐘左右又可以好精神,所以開工開足十幾個鐘都應付到。」
最想揀王祖藍
問到最想與哪位藝人合作?她興奮地說:「好多喎!希望可以同愈多前輩合作就更加好啦!不過如果要我揀,我最想同王祖藍、李思捷同埋歐陽震華合作。」她表示最想拍古裝與喜劇:「啲朋友成日同我講,我要開朗啲,唔好咁慢熱,不過佢哋又覺得我個人有一種莫名其妙嘅喜劇感!」她笑言自己的尷尬樣最好笑,也是想與一眾笑匠合作的原因,至於為何想拍古裝劇?她說:「古裝好靚,又可以學吓歷史!」
搏殺期唔想拍拖
感情方面,她直言已單身一段時間,上一次拍拖是選港姐前,目前為事業衝刺的她未有考慮拍拖,坦言人愈大愈難找到伴侶:「要搵到鍾意嘅人唔難,但要經營一段感情唔容易,兩個人相處要互相包容,雖然有時都想身邊有個膊頭、有人關心,但真係一啲都唔易!(同圈中人拍拖?)她說:「最好唔好!我個圈子已經細,如果男朋友係同事,大家嘅話題一定離唔開工作。」
真假陳妍希廁所相逢
陳潔玲參選港姐時被冠上「翻版陳妍希」的稱號,現實中的她也曾偶遇陳妍希(右圖)!她表示在一次學瑜伽中遇上對方:「我都冇諗過佢會喺香港學瑜伽,我哋喺廁所相遇,雖然我冇同佢傾過偈,但係佢真係一個好有氣質嘅女仔!」