梁麗瑩孖許亦妮狂歡嘉年華

無綫藝人梁麗瑩（Davily）同許亦妮二人都參選過港姐，所以話題特別多特別好傾，呢對好姊妹趁住唔使工作，仲約埋一齊去嘉年華大玩特玩，兩個大細路喺入面玩足全晚，仲喺微博上載合照，並留言:「真是技不如人，昨晚我們在喜（嘉）年華玩了那麼久，就只得一個公仔！」二人喺摩天輪下面同旋轉木馬旁邊笑晒口咁影相，就知佢哋玩得好開心啦，許亦妮作狀咀向Davily度，Davily仲一副冧樣咁，摩天輪唔一定要同男友坐嘅，兩個女仔一樣可以自製浪漫啦！