林芷筠聲演保全叔情婦：面紅標汗

聲演叮噹（現譯「多啦A夢」）的資深配音員林保全早前離逝，同樣擔任配音員的女兒林芷筠，大談配音及父女情，她最難忘與爸爸合作，在美劇《靚太唔易做》中聲演爸爸的情婦，二人為床戲配喘氣聲時，自己尷尬得面紅、流汗兼手濕，爸爸卻淡定地配完離開，非常專業。

在配音工作時令芷筠睹物思人，她說：「公司每個地方都有佢影子，頭兩個禮拜都想喊，好在同事冇過份關心或者慰問。爸爸走咗第二日我選擇返工，我覺得唔可以影響到其他人，否則就真係整臭爸爸嗰朵。」又表示從沒見過父親喊，認為他從不追求名利，只希望帶給別人歡樂。

專業係一種禮儀

保全叔是一個平日不愛說話的配音員，芷筠指父親從未在家聲演過「叮噹」，她說：「見好多前輩愈老資格愈唔出聲，因為助導喺旁邊都未出聲，點到配音員出聲？我開始明白到專業都係一種禮儀。」

新一代配音員靠科技

她坦言目前配音這一行愈來愈辛酸：「依家比爸爸嗰時退步咗，因為以前電影冇現場收聲，炳哥（譚炳文）、爸爸佢哋Level高我哋一大截，我哋係好依靠先進嘅科技。由入行到走嗰陣，爸爸都同我講『配多啲就識』，依家炳哥叫我多讀報。」而保全叔從不主動讚或批評她：「爸爸離開前一直感到好大壓力，佢畀咗我一個快樂童年，由細到大從不覺缺少任何嘢。」

紀念册唔會有人賣

問是否以保全叔的成功為目標？芷筠坦言難遇到如「叮噹」般的討好、又長久的角色：「我希望配乜似乜，咁樣已經係成功，因為冇配音員係完美嘅，有啲角色畀爸爸都配唔到，我配到8、9款角色已經好滿足。」對於網上有人收購保全叔的紀念册，她說：「除非嚟嘅人存心去做呢樣嘢，否則唔會有人賣。」