曾詠欣反客為主 扮鬼四處嚇人

20150205
東網電視
更多新聞短片
曾詠欣(左)自認膽小,但是今次有機會畀佢反客為主,扮成女鬼嚇人。

影壇新力軍曾詠欣及江宏基日前在九龍灣為新戲宣傳造勢,其中以歌手身份出道的詠欣,自爆獻出「第一次」,演出索爆女鬼:「我喺套戲生前做援交少女,會畀郭偉亮追殺!(性感示人?)少少啦,仲要化白面妝入雪櫃!(要到殯儀館拍攝?)唔使,主力喺街市同後巷!」問到她本身是否怕鬼?詠欣直認以嚇人為樂,她說:「我不嬲對鬼片係又要驚又要睇,不過今次就唔驚,因為到我周圍嚇人!」

而江宏基則大爆被對方「嚇餐飽」:「我客串做謝婷婷嘅朋友,會畀詠欣嚇餐飽,好彩我本身算大膽!」他又稱近日獲邀參演電台劇集,平日則透過教舞及擔任模特兒「增值」自己!