劉一飛突圍 網民熱推做男神

20150205
東網電視
更多新聞短片
無論網民鍾意定唔鍾意劉一飛喺《愛‧回家》嘅演出都好,小編覺得成件事證明咗一樣嘢,只要肯努力,遲早一日你同我都可以做主角。

無綫處境劇《愛‧回家》日日都陪住大家送飯咁滯,大家對啲演員又點會無印象呀!所以唔單止啲主角入晒大家腦,連綠葉大家都好欣賞,近日就有網民開post大讚新加入嘅劉一飛!

成功跑出嘅,就係飾演曹總嘅劉一飛,最擅長飾演內地富商,唔講唔知,佢仲係無綫電視嘅國語配音員,至於點解佢啲國語咁流利,咪因為佢同黎明一樣,「born in Beijing」咯!

你哋咪以為劉一飛唔係無綫熱爆小生就無人討論呀,唔少網民都熱烈回應呢個topic,仲有人引用埋周星馳喺《喜劇之王》入面嘅金句話:「真正又(由)內到外再又(由)外到內!」仲有人話:「我諗tvb勢估唔到,曹總既(嘅)戲竟然咁搶!」另外更有死忠粉絲,學埋佢獨有嘅發音留言,十分抵死:「阿壯哇~有梨呢注說話,禾就放鮮啦~」(有你呢句說話,我就放心啦!)

不過凡事有兩面,亦有網民指佢根本毫無演技,只係做番自己!不過點都好啦,一向戲份唔多嘅劉一飛都可以憑一套劇吸到咁多fans,都咪話唔勁呀!

網民有話兒:

拎xxx生2014 :「愛回家」個曹總D演技真係好堅!

x大x :阿壯哇~有梨呢注說話 禾就放鮮啦~

資源xx箱 :真正又(由)內到外再又(由)外到內!

情xx熊線 :我諗tvb勢估唔到曹總既(嘅)戲竟然咁搶!

x:曹總真係好正!

Proxxxor:留名推到佢做男神!