簡幗儀對婚姻充滿憧憬

模特兒兼時裝設計師簡幗儀（Lilian）經常為他人作嫁衣裳，而她自己亦對婚姻充滿憧憬：「我覺得婚姻係一樣好美好嘅嘢！Daddy媽咪喺我成長中畀咗好多愛我！我又好鍾意小朋友！如果係可以互相扶持互相進步，呢一個感覺係好窩心！」不過她笑言暫時未有計劃結婚。

設計充滿童話公主風，不過Lilian自言不是公主：「我係一個好樂觀嘅人！但係屋企人對我嘅要求係好高！我就唔係由細到大被人就嘅公主，好多嘢要自己去做，我都好多謝Daddy媽咪咁樣訓練我。我喺做生意上面有好多嘢要學習，呢個年紀其實捱吓ok嘅。」她更打算推出童裝系列，再將品牌擴展成lifestyle品牌。