汪詩詩炮製愛心大餐 甄子丹食到肚痛?

20150206
東網電視
更多新聞短片
汪詩詩自爆成日煮中西菜式,氹得老公好歡喜,甄子丹仲笑言老婆嘅廚藝頂瓜瓜,飽到肚痛咁話!

汪詩詩與丈夫甄子丹在中文大學出席健康飲食活動,詩詩即席用新鮮蔬菜協助廚師整賀年春餅,而子丹壓軸與中大校長沈祖堯一同現身,眾人一同在天台農場撤下春季種子,非常有意義!雖然詩詩只是協助整賀年春餅,但子丹受訪時笑言:「如果係佢親手整就仲好食,平時我哋煮嘢食都鍾意加新嘢落啲菜式度,好似黑松露加入Spaghetti(意粉)度。」詩詩亦透露平時愛下廚,喜歡中西合璧的餸菜。問到有否試過肚痛?子丹笑言:「係食得太飽肚痛。(詩詩廚藝100分?)點止100分。」

日日Call爆機了解囝囝病況

提到兒子James生病,詩詩透露James因發燒已有數天沒有上學,但她有用消毒清潔家居,還叫女兒遠離James。詩詩更坦言子丹好擔心:「佢(James)感冒,我好驚,子丹又好擔心,好緊張!佢(甄子丹)喺上海逗留咗十日,尋晚佢先喺上海回港,嗰陣日日都會打十個電話畀我問情況。」

被提名金像獎感開心

另外,詩詩又透露新年會到熱帶地方過年。問到今年大豐收是否大派利是給員工?子丹笑言:「唔豐收都派利是架啦,員工係家人好團結。(派7位數利是?)未知,朋友多,大家開心!」至於子丹主演的電影《一個人的武林》被提名第34屆香港電影金像獎「最佳動作設計」,問到是否有信心奪獎?他表示得到認同感到開心:「唔到我去話事,問我實話係我啦!」