劉丹預告農曆年封定大利是畀孫囡

20150207
東網電視
更多新聞短片
劉丹(左圖)話已經準備定大利是農曆年派畀孫囡,錫佢錫到燶。

無綫劇集《愛·回家》一班藝人如劉丹、高海寧、徐榮、林漪娸等,到銅鑼灣及灣仔作出車巡遊,並向市民派發利是封,吸引大量旁人圍觀。

被問到是否已約定乖仔劉愷威及新抱仔楊冪食團年飯?劉丹說:「仲睇緊時間,佢哋兩個喺不同地方拍戲,要睇佢哋幾時拍完。(孫囡識「請請」未?)佢8個月大,未有咁快識,我預咗大利是畀佢,銀碼就由我老婆揸主意。我買衫仔畀佢,佢媽咪喺倫敦、北京都買咗好多衫畀佢,但唔啱季節,到攞番出嚟已經唔啱着。我老婆同個女都有買衫、玩具畀孫女,錫到佢燶。」

對於有傳《愛·回家》將進入倒數完結階段,丹爺說:「未確實,我都唔知!但係真嘅話,一定唔捨得,呢個劇都拍咗兩、三年,慶幸嘅係《真情》、《皆大歡喜》幾個長嘅(劇)我都有份做!」