抗疫新招?高海寧食蒜油丸防流感

20150207
東網電視
更多新聞短片
高海寧未收到通知《愛·回家》就嚟大結局。

無綫劇集《愛·回家》一班藝人劉丹、高海寧、徐榮、林漪娸等到銅鑼灣及灣仔出車巡遊。高海寧提到近日流感肆虐說:「我都驚,但派利是嗰陣我都冇避忌,市民想合照,我會盡量滿足,自己就做運動、食維他命C,同埋藥劑師朋友介紹嘅蒜油丸打底。」

對於劇集被傳將完結,她說:「我唔知仲有幾集,未收到通知,我大約都經歷咗一百集,如果真要完,都會唔捨得,因為成班演員日對夜對,仲多過見家人,有好多共同回憶,我啱啱融入,咁快又完。」

徐遇安預算去到八百集

監製徐遇安則表示:「我唔知呢個消息邊度嚟,我哋暫時知道預算去到八百集,依家七百幾集,睇收視反應,好的話會添食都話唔定。(有信心成功添食?)有,我都做好多長劇,依家呢個數字我都滿意。(會加啲高潮位吸引觀眾?)會有,稍後莊思敏會客串,姚嘉妮都會有演出。」