高海寧無綫處女獻唱電爆何嘉新

無綫藝員高海寧（高ling）今晚為歌唱節目《超級巨聲4畢業演唱會》擔任表演嘉賓。高ling與巨聲4幫的其中一位參賽者何嘉新甜蜜合唱《今天你要嫁給我》，拖住手出場之餘，仲不時深情對唱眼神放電，搞到何嘉新都暈晒大浪，含羞答答。

高ling自2008年選美出道後不乏演出機會，但今次原來是高ling首次喺無綫主場踩台板唱歌，笑謂手汗都出埋：「台下面又有好多專業評判，所以真係緊張到不得了，所以頭先嗰啲動作都係用嚟分散吓注意力唔使咁緊張。（有否看中何嘉新？）佢得廿歲咋喎！我細佬咁大咋！」

同場的李逸朗最近因其哭腔版翻唱歌《傻女》成為城中熱話，問高ling可有上網聽過？她直認連MV都睇埋，謂：「我覺得佢今日現場版好聽啲，因為MV畀佢個哭腔令到我感受深啲，而現場就真係聽到佢唱功。」