謝天華接老婆出院　囝囝懶理閃光繼續瞓

藝人謝天華在養和醫院接老婆李天恩（Tina）和囝囝謝浩飛（Theo）出院。12點15分到達的他，手持BB籃上樓，逗留約45分鐘後，他和精神不俗的老婆‎步出醫院，而Theo安放在BB籃內，首次見人的Theo以右手遮面，但亦難掩其趣緻。

天華安頓好母子二人上車後就接受傳媒訪問。問到送了甚麼禮物獎勵老婆？他笑言送了「基本嘢」：「慰勞太太係必須嘅！」問到一眾好友有否前來探B？他表示沒有：「一來佢哋有工作在身，二來呢排醫院多流感。」叫他們不用急，遲點可以家訪探B。談到身為新手爸爸，最束手無策是甚麼？他就坦言餵奶有人代勞：「係抱嘅手勢唔係幾正確，要學。（幫佢沖涼？）未敢，睇吓先，邊學邊做。」問他是否回家就煲薑醋？他笑謂：「有陪月員幫我做，唔使自己落手落腳，我淨係知呢排啲薑好貴！」又指自己已接受特訓，變得容易醒，會隨時彈起身準備餵夜奶。至於會否搞滿月或百日宴，他就指未諗，之後再算。