劉嘉玲讚勇敢「生命無限可能」

影后劉嘉玲以主角身份，出席在澳門舉行的電影《賭城風雲II》盛大首映禮。一身中國風打扮的劉嘉玲，被問到丈夫梁朝偉為甚麼未有現身撐場，她打趣表示：「唔好啩？唔好嚇我。」但她表示情人節將會與偉仔一起度過：「都係收花、食飯咁，一紮玫瑰已經好滿足，呢啲動作年年有。」她又表示已準備好情人節禮物，但暫時不會透露詳情。

勁讚發哥家輝

談到戲中與影帝周潤發有吻戲，她即笑指新片宣傳經常圍繞相關話題，但她卻認為其實很小兒科。她大讚周潤發在片中有很多出色之處，又扮小丑又打拳。至於張家輝，劉嘉玲則大讚對方演技出色又突出，並謙稱自己需要跟對方學習。

對於特首女兒梁齊昕殺入電影圈，劉嘉玲驚訝謂：「吓！？真係架？咁好嘅新聞？好事吖。每個人都需要勇敢去做自己，唔好因為自己係邊個嘅後代，而畀咗個標籤自己，要做自己喜歡做嘅事，每個人都有呢個權利，只要唔係害人就可以。」問到會否擔心齊昕面對很大的壓力，劉嘉玲表示：「世界咩都有可能，總統都可以做演員啦，唔好框住自己，人係有無限嘅可能，只要唔好框住自己，生命充滿無限嘅可能。」