張家輝謝絕「化骨龍」重現：嗰個階段過咗

影帝張家輝多年前受香港著名導演王晶賞識，成功在不少以賭錢為主題的電影中演活「化骨龍」式幽默，更因而大受歡迎。

家輝近年在「賭壇」絕迹，今次終有機會再獲王晶邀請在賀歲片《賭城風雲II》中飾足智多謀會計師，惟片中家輝絕少涉賭，在接受記者訪問時提到會否將「家輝X王晶X賭錢＝化骨龍」的方程式再搬上大銀幕時，他直言拒絕，謂：「如果係我就唔會接啦，我唔知係唔想定做唔返，如果你依家要我演化骨龍，除非化骨龍有一個我意想不到嘅設計，或者佢轉變有一個我意想唔到咁有趣、突圍，先會考慮。（唔鍾意？）嗰個階段過咗，好似你唔會玩細個嗰時啲玩具，可能你會留念，但唔會再投入。」

從小討厭賭博

而且家輝亦表示自小討厭賭錢，感覺烏煙瘴氣，當年因王晶預上「化骨龍」是命運的安排。

不過，其實家輝對賭又另有看法，他說：「賭唔一定係要搞笑，例如我睇好多電影都係用賭做主題，都賭得好盡，但佢哋唔係用喜劇包裝，好似係職業賭徒咁。」

新戲角色有新鮮

談到《賭》片的拍攝過程時，家輝坦言拍得輕鬆又豪華，至於今次的角色對他而言亦倍感新鮮，他謂：「好意外晶哥（王晶）咁設計畀我，好斯文，又唔使打。最初奚仲文幫我整呢個造型，我都認唔到自己。」而且家輝更透露在劇本之外，自己因應其三件頭的西裝的造型，以及泰國炎熱的天氣，額外自加手巾仔以加強演釋時動作的流暢度，使演出能更加自然。

今次在《賭》片首次與周潤發（發哥）合作的家輝大讚發哥為人隨和能感染團隊，發嫂更不時帶食物給他們，不過家輝就未能應約陪發哥行山，他謂：「大家都知佢老人家鍾意行山，但我工作又比較困身，暫時都係無機會。」