大陸為港爭光　黃凱芹由鬥心變鬥玩奪總擂主

歌手黃凱芹早前到大陸參加廣州珠江電視台主辨的《粵唱越響》真人騷，並成功奪得第一屆「總擂主」！其中參賽歌手更包括不同的香港歌手如鄭融、王馨平、吳國敬及鄭欣宜等，能夠成功脫穎而出，黃凱芹直言：「贏咗冠軍當然開心，不過最開心係一身都鬆晒，尤其係最初幾個回合有背負住『香港』代表歌手嘅使命感，有啲似參加奧運為港爭光嘅壓力。不過後來就由『鬥心』變咗『鬥玩』，不理輸贏。」

公路捉雞差啲遲到

而比賽期間適逢遇上巡唱在化州站，黃凱芹唯有完騷後速趕回廣州比賽：「路程其實好遠，唔塞車都要六七個鐘，點知咁啱就遇正有雞車打翻雞籠，大家一齊係公路捉雞搞到塞車，差啲趕唔切。」

獲安排總統套房

另外，黃凱芹又大讚主辦方一開始超有心為他準備了總統套房，不過因為太大間所以還是換了小一點的房：「但都好大間，日日都可以喺自己房間入面跑步，足不出戶就做到運動，裸跑都得！」