郭富城冇畀媽咪催婚:佢都費事講喇!

20150215
東網電視
更多新聞短片
郭富城話媽咪冇催佢帶女朋友返屋企。

郭富城出席馬術賽並擔任頒獎嘉賓,他表示已第三年出席,向來愛馬的城城坦言希望學懂馬術:「原本約好教練,不過太忙要拍戲,連最鍾意嘅賽車比賽都冇得參與。」他表示活動過後便要趕回無錫拍攝《西遊記之孫悟空三打白骨精》,年三十晚會返港與家人度過。

說服媽咪出街食飯

談到情人節如何度過,城城表示回家取母親整的蘿蔔糕,然後就與公司同事吃團年飯:「食到好飽,平時拍戲個妝張唔到個口,瘦咗少少,返嚟香港除咗食嘢仲有食藥。」他透露說服了剛過80大壽的母親今年出外吃飯慶祝:「往年都係佢親自下廚,我哋唔想佢咁辛苦,最終同意咗出街食。(封大利是畀媽咪?)年年都會。(有冇催你帶女朋友返去?)佢都費事講喇,隨緣啦,專注工作,拍孫悟空係入行以嚟最辛苦,不過都值得,返屋企可以食媽咪煎嘅蘿蔔糕。(你有冇煮過畀人食?)媽咪,姐姐同哥哥。(朋友呢?)去我屋企拜年通常都係工人煮。」