温超孖星爷老将拍贺岁片

艺人陈静（DaDa）和温超现身电台宣传电影《吉星高照2015》，两人笑言电影会加入不少情人节元素，大家有情人的可以带情人去，无情人就去觅爱侣，讲到《吉》的宣传攻势比其他贺岁片输蚀？DaDa直言：“今年贺岁片比较多，但大家通常唔会只睇一套，同屋企睇一套，同朋友又睇一套。”温超又谓《吉》会以周星驰做主题：“今次都搵咗好多星爷嘅元神老将，好似刘以达、细龟咁，达哥都算系继吴孟达之后最好笑嘅人，相信好多星爷Fans都会捧场。”

两人又讲到新戏会集合新旧元素，其中以“A版元素”最特别，两人表示：“今次会有好多似演员嘅人演出，好似发哥（周润发）嘅替身演员，志伟佢哋希望新戏可以捧多啲A货演员。”另外，他们又提到王祖蓝在新戏中亦会有突破演出。讲到祖蓝日前结婚，两人就话日日见传媒都有恭喜他，温超更即追问几时到DaDa。