五粒鐘花市加百合一紮　Eddie終求婚成功！

恭喜恭喜！娛樂圈迎來羊年第一單喜事！拍拖三年的前EO2成員彭懷安（Eddie） ，與藝人朱慧敏（Queenie）宣布即將拉埋天窗！

現年35歲的Eddie，於大年初一在微博宣布求婚成功，並留言：「從此以後，無論墳前或人前，由你說願意開始，我將會用盡一生去愛你，保護你，直到老死，朱，我愛你。」

據知，曾於朱慧敏亡母墳前求婚、因被嫌棄無花而燒焦的Eddie，年三十晚再度重鎚出撃，誓要抱得美人歸！他接受《東網》電話訪問時，透露求婚當晚與Queenie行花市行足五粒鐘：「買咗一紮Queenie最鍾意嘅白色百合花，無返屋企食團年飯，因為我哋兩個都想過二人世界。返到去，我就拎住紮百合花正式向Queenie求婚，終於喺年三十晚求婚成功。」他更一再否認奉子求婚：「絕對唔係！因為我哋婚期定喺2016，點會咁快有B！」

對Eddie投絕對信任票

而於羊年前夕答允下嫁Eddie的Queenie，早前接受《東網》獨家專訪時，每當提起Eddie便甜笑連連：「我哋好相信o架，尤其大家都做呢行，都影響我好深，互相感染。我哋之間嘅相處，冇戲劇性嘅浪漫，係簡單舒服嘅陪伴。」她又表示對愛情抱見步行步心態：「以前拍拖我係希望結婚，但好多時都事與願違，依家感情上事業上對得住自己，個結果係點都覺得係好嘅！」

其實Queenie與Eddie已十足老夫老妻，新年二人亦要忙於落舖打點，Queenie揚言新一年希望搞好生意，但未有打算將重心轉移，並希望演藝事業和生意兩邊兼顧！雖已榮升老闆娘，但Queenie揚言不會派利是，情願送心思嘢。