日本馬拉松　徐濠縈新年流流見紅！

藝人徐濠縈一向熱愛跑馬拉松，今次仲要拉埋林海峰齊齊遠赴日本參加賽事，事前阿徐心情勁靚，襯了咗一身pink lady look拎住馬拉松號碼留影，開跑前仲同林海峰開心合照，二人笑容一致應該係好兆頭喇，點知事與願違，阿徐跑跑下竟然仆親，搞到擦損咗膝頭，但佢一於頂硬上，仲刷新咗2項自己嘅馬拉松紀錄添，網友都讚佢毅力驚人！