首見家長 蕭正楠爆媽咪好鍾意黃翠如

20150223
東網電視
更多新聞短片
蕭正楠帶咗翠如見家長,亦不諱言翠如大受親戚歡迎,蕭正楠笑言阿媽未催,朋友急催囉!
黎耀祥、蕭正楠、曹永廉、陳國邦在大年初五為無綫劇集《公公出宮》開工,蕭正楠日前帶女友黃翠如到黎耀祥家拜年兼研究劇本,他笑說:「佢哋話叫我帶埋翠如先好嚟。」蕭正楠透露新年帶了女友黃翠如向媽媽拜年及團拜,更是翠如與媽媽首次見面,他說:「媽咪第一次見翠如,今次團拜佢都見晒我媽咪嗰邊嘅親戚,媽咪當然好鍾意佢,評價好好,啲表弟妹都圍住佢影相,美中不足係本來想翠如下廚整啲嘢畀我媽咪食,因為媽咪唔識煮嘢食驚我將來冇啖好食,希望我女朋友識得煮,畀貼士佢加分架,但係因為廚房太忙都係唔好畀佢搗亂。(親友有冇催婚?)冇,係五虎佢哋催啫。」
翠如到韓國拍劇兩星期,蕭正楠也要為劇集開工未能到韓國探班,希望女友不要冷親,問到可擔心女友趁機識韓仔?他說:「唔驚,我都識幾句韓文,佢邊夠啲韓國女仔嚟。不過,佢素顏都好自然,同韓國女藝人唔同,相信喺韓國都有發展。」
黎耀祥日前在準備好盤菜款待「太監五虎」兼研究《公》角色,他相信開工時會有火花,新劇是輕鬆喜劇,不會像《大太監》及《名門暗戰》般沉重。問到大眾可有發新年財?祥仔說:「冇玩,佢哋都好漏氣好遲嚟,佢哋仲話想搬屋,我嗰度租盤抵,初時仲諗住帶佢哋參觀下屋苑。」曹永廉則指眾小朋友將祥仔屋企變成兒童樂園。