古天樂進軍飲食業　落力招呼圈中好友

20150224
  • 東網電視
    更多新聞短片
    古仔圈中好友，都對佢嘅餐廳一致讚好，而古仔亦都樂於親自招呼好友到其餐廳飯聚。
    44歲坐擁6億身家的鑽石級筍盤古天樂，近年百足咁多爪，拍戲片酬過千萬的他，同時投資電影及房地產，身家不停暴漲，最近更撈過界，投資千萬入股飲食業做老闆，不時親力親落手打理生意。
    古仔去年尾成功收購位於銅鑼灣摩頓台的中式食肆名廚，但有見自己經常忙於拍戲四圍飛，為免照顧不了生意，餐廳繼續由原班人馬負責，其拍擋更包括飲食界出名的Ling姐，坐擁有不少政界及商界捧場客。
    古仔自從成為餐廳幕後老闆後，每逢有時間均會廣邀好友「試菜」，他亦會親自落場招呼，一方面聚舊，一方面又可以搜集各方意見，幫忙改良菜式，圈中好友吳君如、陳可辛、黃秋生、佘詩曼、蔡一智夫婦等等，都曾經幫襯過古仔，人人食完均齊聲讚好，由於一傳十、十傳百，餐廳火速成為圈中人聚腳地，生意不斷上升。
    昨日新春期間，古仔相約謝天華到資深電影人、有大佬B之稱的吳志雄家中拜年，晚上再約埋唐詩詠等，拉大隊往其餐廳品嚐美食，各人食至晚上九時許才離開。現場所見古仔和Ling姐親自送各人上車，然後折返餐廳打理事務，之後古仔才孭着背囊離開食肆，對生意明顯盡心盡力。
    想學古仔食極唔肥
    天華接受《東網》訪問時，笑言是成班老友趁過年飯聚。提到古仔人旺兼做生意有諗頭，問天華會否與對方合資做生意，他笑言：「唔會啦！學都學吓佢點解開食肆都食極唔肥。（古仔、志雄哥佢哋有冇派利是畀你囝囝？）梗係有，冇我仲放過佢哋？我都派咗咁多年，今年仲唔逗番啲？！」