东网电视
更多新闻短片
古仔圈中好友，都对佢嘅餐厅一致赞好，而古仔亦都乐于亲自招呼好友到其餐厅饭聚。
1/14
44岁坐拥6亿身家的钻石级笋盘古天乐，近年百足咁多爪，拍戏片酬过千万的他，同时投资电影及房地产，身家不停暴涨，最近更捞过界，投资千万入股饮食业做老板，不时亲力亲落手打理生意。
古仔去年尾成功收购位于铜锣湾摩顿台的中式食肆名厨，但有见自己经常忙于拍戏四围飞，为免照顾不了生意，餐厅继续由原班人马负责，其拍挡更包括饮食界出名的Ling姐，坐拥有不少政界及商界捧场客。
古仔自从成为餐厅幕后老板后，每逢有时间均会广邀好友“试菜”，他亦会亲自落场招呼，一方面聚旧，一方面又可以搜集各方意见，帮忙改良菜式，圈中好友吴君如、陈可辛、黄秋生、佘诗曼、蔡一智夫妇等等，都曾经帮衬过古仔，人人食完均齐声赞好，由于一传十、十传百，餐厅火速成为圈中人聚脚地，生意不断上升。
昨日新春期间，古仔相约谢天华到资深电影人、有大佬B之称的吴志雄家中拜年，晚上再约埋唐诗咏等，拉大队往其餐厅品尝美食，各人食至晚上九时许才离开。现场所见古仔和Ling姐亲自送各人上车，然后折返餐厅打理事务，之后古仔才孭着背囊离开食肆，对生意明显尽心尽力。
想学古仔食极唔肥
天华接受《东网》访问时，笑言是成班老友趁过年饭聚。提到古仔人旺兼做生意有谂头，问天华会否与对方合资做生意，他笑言：“唔会啦！学都学吓佢点解开食肆都食极唔肥。（古仔、志雄哥佢哋有冇派利是畀你囝囝？）梗系有，冇我仲放过佢哋？我都派咗咁多年，今年仲唔逗番啲？！”
寻晚新年饭局，古仔同Ling姐先行送一众好友客人离开。
谢天华饮到面红红，一睇就知佢餐饭食得好愉快啦！
期间仲要笑笑口，证明佢对餐厅嘅业绩同质素都好满意。
啲餸真系斋睇都觉得好好味。
蔡一智今年一月，亦喺古仔嘅餐厅度搞生日会。
之后，Ling姐（右）仲为一众好友拉门，亲自送佢哋离开。
唐诗咏打晒包咁走，仲要笑晒口咁，唔知系咪拎畀洪永城食嘅呢？
餐厅装修优雅，而且仲有劲阔落嘅大枱，方便大班朋友畅聚。
啲餸真系斋睇都觉得好好味。
（前排左起）志雄哥、志雄哥太太、唐诗咏、志雄哥女儿、谢天华
古仔之后返餐厅搞咗一轮先离开。
古仔经理人（左起）、谢天华、吴志雄、古天乐喺餐厅度大摸酒杯底。
佘诗曼（中）之前同梁家树都有帮衬呢间餐厅，当时阿佘仲饮醉咗，要Ling姐扶住佢走。
