馬爾代夫度假　劉鎮偉晒鍾欣潼素顏相

樂壇組合Twins嘅兩位成員蔡卓妍（阿Sa）同鍾欣潼（阿嬌）日前一齊飛去馬爾代夫度假，阿Sa喺未出發前曾大賣關子，表示粉絲如果想知道佢哋嘅旅程，請密切留意佢哋嘅微博﹗。出發當日，阿Sa的確曾發過二人喺香港機場戴住黑超嘅合照，但之後喺微博卻不見二人蹤影。

喺粉絲千呼萬喚之下，依日終於見到阿嬌嘅靚相喇！向來同阿嬌情同父女嘅導演劉鎮偉，就喺微博上載一張阿嬌素顏度假相，留言表示十分羨慕「阿女」：「陽光下的阿女，散發著（着）無限（嬌）美，葡萄十分羨慕阿女如此悠閒自得！」網友都大讚人比花嬌：「靚人配靚景，簡直係無懈可擊」，另外網友仲表示都係「老豆」懂粉絲嘅心情，希望阿Sa同阿嬌都可以upload多啲相！