點評三大《小蘋果》改編神曲

東網電視

咁多個《小蘋果》版本入面，你又最鍾意邊一個版本呢？

網友嘅二次創作可謂創意無極限，好似幾年前韓國嘅《江南style》一出，經過唔同嘅改編之後紅遍全球，更創出唔少記錄！而呢個熱潮似乎重現喺大陸網絡紅人筷子兄弟創作嘅《小蘋果》上，由於歌曲節奏輕快、內容淺白又易記，歌詞仲不停重覆，更容易造成洗腦效果！MV累計的點擊率更超過5億，最後以《最炫小蘋果》榮登春晚舞台！

其實自去年8月開始，網絡上出現咗唔少《小蘋果》嘅二次創作，而且呢股熱潮已經吹遍多個地方，如中、日、韓、泰、美國等。至今，呢股熱潮仍未冷卻，依然有唔少人將呢首神曲掛喺嘴邊。最近經過網友非正式統計，喺芸芸眾多嘅《小蘋果》改編神曲當中，以下三個版本最為特別：

1.「最健康的《小蘋果》」──《Little Apple》（健身舞蹈教學版）

邊個話減肥一定要跳「鄭多燕」？有網友就將《小蘋果》結合健身舞，等你可以一邊欣賞呢首2014年最流行嘅洗腦神曲之餘，又一邊跳埋健身舞，可謂一舉兩得！網友又盛讚呢個MV係：「看過男生最棒的版本，跳的（得）好！」

2.「最具教育意義的《小蘋果》」──《Little Apple》（ShaunGibson西遊記版）

有外國網友以《西遊記》為主題，將《小蘋果》歌詞改編為英文，而且仲cosplay《西遊記》嘅角色，等中國人可以唱「遊」《小蘋果》學英文，外國人又可以更了解中國傳統小說，佢哋呢份心意真係令人好感動，有網友都大呼：「Bravo！！！！」

3.「最似《小蘋果》的《小蘋果》」──《My Little Apple》（泰國版）

泰國版嘅《小蘋果》，就捉到筷子兄弟原版MV嘅「無聊」神髓，被評為最搞笑、最無厘頭嘅改編，而且就連低制作成本都似埋，勁！

網民有話兒

xx貝：小蘋果健身舞蹈好high哦

蔣軼x：看過男生最棒的版本，跳的（得）好

chrixxxxxn montgomxxx：English and chinese… two of the worlds hardest languages. Bravo！！！！

蠟xx新：泰國版的小蘋果，你們都看了嗎？我笑翻了

xx雨夜：這應該是最省錢的一版了，怎麼看都覺得像20年前的MV

on.cc東網