《衝上雲霄》又重播！逆齡吳鎮宇又後生咗？

吳鎮宇亮相《衝上雲霄》電影版的慶功宴，他透露日前與家人到新加坡探親，更於新年時幫人「發財」：「老婆最開心返外家。（順便發新年財？）幫咗人發（財）。贊助千幾蚊畀人玩啤牌。我要忙住幫手煮鮑魚、冬菇等等！」問他是可否想接拍續集，鎮宇說：「拍o架喇！（你啲期好難度？）唔止我，個個都忙，我下半年會留港拍戲。」提到現時電視重播劇集《衝上雲霄》，鎮宇笑言因此好怕出街：「因為驚有人話我後生咗！」他又表示將與周迅合作拍電影：「周迅要講廣東話，我就講國語！」

提到拍檔古天樂以千萬投資食肆，鎮宇笑謂：「佢啲畀錢點同我落手落腳？（叫你入股？）冇呀！」對於電影被指似MV，他即出言力撐：「要問番導演，但我就鍾意自己嗰Part，夠搞笑！」