張根碩係「一代撞臉王」？

「撞樣」對於娛樂圈嚟講唔係咩新鮮事，但不過今次嘅男主角張根碩就同七個人撞到砰砰聲，都咪話唔犀利，佢仲因為咁被人封為「一代撞臉王」！而近日台灣女星安心亞嘅近照都被指同韓國型男張根碩撞樣，更隨即引來唔少網民討論！

網民傻傻分不清

其實喺張根碩被指同台灣「宅男女神」安心亞撞樣之前，佢早就被指同好多人撞樣，而當中人物包括有大陸影后湯唯、台灣男星鍾漢良、台灣女歌手張芸京、某網絡紅人、台灣女藝人蔣雯麗，仲有一位係變性人舞蹈家金星！唔少網民見到又男又女嘅拼圖大為驚訝，並「傻傻分不清楚」邊一個先係正身，留言話：「請告訴我哪一個是張根碩」，更有人亂到連性別都分唔到：「分不清男女！」不過亦有粉絲話七個入面，根本無一個似，仲話分唔到嘅人應該係患上臉盲症：「又不是臉盲症，不像嘛！」令討論區滲出陣陣火藥味！

網民有話兒：

xx眸：請告訴我哪一個是張根碩

猥XXX宿敵：因為是同一個醫生

蝴xx應再現：分不清男女

xxx蜥蜴：又不是臉盲症，不像嘛

本x：哪裡像了？眼睛有問題才覺得像。