梁烈唯自揭整容　拉埋楊秀惠落水？

整容呢個字眼一向都係女星的禁忌，不過出咗名敢言嘅藝人梁烈唯（唯唯）就首當其衝為大家打破禁忌！今次唯唯更放埋自己上枱，於微博上大晒自己跟楊秀惠舊劇照與近照的拼圖，仲寫道：「本人嚴重懷疑這兩位藝人整容！」期間，佢嘅圈中好友曹永廉更加把嘴問：「上圖是A貨嗎？」而意圖想洗底的女主角楊秀惠則詐傻扮懵，更反問：「上圖兩人是誰？為什（甚）麼硬要和我們的照片放在一起？」