邱禮濤揀柳俊江貪夠新鮮感

有新聞王子之稱的柳俊江，在邱禮濤執導、杜汶澤監製的英皇電影中，與藝人蔡卓妍飾演一對情侶。柳俊江直言全因電影能帶出正面訊息才會接拍，笑言若找他拍攝賀歲片嘻嘻哈哈，自己根本無能為力未能為電影出力，故不會接拍。戲中他與蔡卓妍飾演一對情侶，但事前二人全不認識，首日開工便要拍床上戲，令他感到相當緊張，他表示：「個感覺好唔真實，第一日仲要同佢拍在床上瞓醒戲份，以前見蔡卓妍都係喺電視同電影入面，點知今次佢突然瞓咗喺我隔離，我仲要攬住佢。其實好驚o架，怕隻手放錯位會令人唔鍾意，所以要好小心。但佢好專業咁引導我。仲擺出一副好女朋友嘅眼神畀我，令我好快入到戲。」

導演邱禮濤表示一直有留意柳俊江這位人才，原來柳俊江更是他的師弟，系出同門，他直言對方外型同蔡卓妍匹配，一併出來很有新鮮感，加上佢要演出新聞從業員角色，所以決意讓他演出這個角色。