惡戰人妻王李思捷　楊千嬅：我都唔係弱嘅

藝人楊千嬅接受李思捷主持的《今晚睇李》節目訪問，千嬅說：「乜都可以講，佢最善長爆肚、即興，轉數好快，要瞓夠先可以上節目，不過今次宣傳電影，有啲小朋友家長喺度，佢應該唔會亂咁噏，同埋我都唔係弱嘅。我對佢都好好奇，大家比試下。（搵定思捷死穴？）佢話自己係人妻王，但夠膽喺電視講，都係幽自己一默啫。」千嬅又大讚節目綵排認真，是綜藝節目少有。

生多個睇緣分

談及家庭，千嬅期待復活節放假陪伴兒子，問渴望追個女兒？她說：「我好鍾意小朋友，如果天畀我OK嘅，冇都唔緊要，睇緣分，依家都好滿足。（努力造人？）正常人嘅生活囉。（囝囝想要細佬、妹？）冇，佢仲細未識，生多個都係想佢有個伴，但見佢返學都有自己嘅朋友圈，所以冇壓力嘅。」