馬國談電影大計　伍允龍搵鍾嘉欣要靠公司？

武打影星伍允龍到馬來西亞出席娛樂公司開幕活動，他表示第一次到馬國是做武指，今次則以演員身份到場，感覺份外開心。他透露今年將親自策劃電影，問到是甚麼題材？他笑說：「斷估唔係愛情故事啦！（點解呀？）一係愛情功夫片囉！都係想搞笑同動作戲，籌備過程都有問晶哥（導演王晶）意見。（會唔會同緋聞女友鍾嘉欣合作？）公司搵邊個，我都會好努力！」