林盛斌求同吳若希傳緋聞：畀啲新聞嚟做吓

「女神」吳若希（Jinny）、林盛斌（Bob）及魔術師甄澤權（Louis）為無綫節目《街頭魔法王》在街頭進行拍攝，身穿短裙的Jinny大晒42吋白滑長腿，吸引不少途人爭相合照。

由於Jinny近日分別與「大隻仔」溫家偉及「大孖」周志文傳緋聞，問到Bob及Louis擔不擔心惹緋聞？抵死的Bob笑說：「我唔夠大隻，佢鍾意大隻仔嘛，我只係大隻佬。」搞到身旁的Jinny尷尬傻笑。

搞笑的Bob更哀求Jinny讓他加入其「緋聞樹」：「不如加埋我哋兩個入去。」Jinny聞言哈哈大笑說：「都好喎。」近年密密執的Bob再回應謂：「加我一個唔多，少我一個唔少，畀啲新聞嚟做吓。」Jinny和應謂：「我都係咁話。」拍攝進行期間，對魔術大感好奇的Jinny由於不時做出驚訝表情，即遭Bob取笑笑點低：「佢少少嘢都覺得好神奇，驚訝點好低。」

Bob又踢爆Louis為了拍攝該節目，推了很多Job，Louis直認說：「冇辦法，應承咗要做。」早前舉行魔術表演好評如潮的Louis，坦言下次開騷有意找Jinny演出，Jinny即笑說：「好吖，我想畀人斬腳。」