網民熱話:林夏薇憑出色演技跑出

20150312
東網電視
更多新聞短片
林夏薇演技精湛,近年憑多套作品內嘅出色表現令人對佢刮目相看,成功搣甩「林峯堂妹」依個名!

藝人林峯喺無綫時期一直深受公司重用,拍劇掂之餘,唱情歌亦迷到唔少粉絲。佢喺舊年嘅熱播劇《使徒行者》中演技亦備受肯定,絕對唔係得個chok字!林峯嘅出現,不時成為網民熱話,依家就連佢堂妹林夏薇亦引起唔少人嘅討論。

現年27歲嘅林夏薇於2011年加入無綫,初時唔少人對佢嘅印象都係「林峯堂妹」,不過隨住佢近年喺多套劇集入面嘅演出,令好多人都留意到佢有樣之餘,其實仲有演技。近期無綫黃金時段嘅兩套劇《衝線》同《天眼》中,林夏亦有份演出,網民大讚佢喺兩套劇入面都發揮得好好,仲話佢喺《衝線》入面飾演嘅女強人寧希(Hillary)演得好到位,有網民更加話希望無綫可以比更多機會佢添!

唔單止咁,仲有網民拎林峯女友千語BB(吳千語)張相同林夏薇拼埋一齊,話佢哋嘅五官愈嚟愈似。唔通佢哋兩個對得林峯太多,依家連個樣都似埋?

網民有話兒:

fxx:佢兩套劇都演得很到位,尤其是8:30的女強人 懂借男人但又憑自己的實力上位的現代女性(商界及娛樂界多的是這類女性)。

whxxxhxxx:我都覺得林唔差喎,啲戲好睇過之前,而且兩套戲嘅角色好唔同,可以睇到對比。

alxxlxxx:衝線直頭正爆。

Mox1xx:我覺得佢好正喎。

n小xx:從結分謊程式開始睇她一直進步,樣越(愈)睇越(愈)靚,佢真好正。

hxx2xx6:唔明點解唔比(畀)佢擔正,論年齡、外表、演技都系(係)時候,而(依)家好似配角咁。