吳君如扮男人扮到入咗血：我要洗底！

古天樂與吳君如晚上在蘭桂坊出席名錶活動，問君如老公陳可辛是否經常送錶？她說：「平時都有送，大時大節不外乎鑽石同手錶，但係成日開工，都冇乜機會戴，都係放晒喺屋企。」

談到為電影《12金鴨》扮完男人後，份人都豪邁咗，君如即笑謂：「都要洗底，電影要有唔同角色，呢個形像入得太深，有時影相都唔知點解自己會chok咗，到金像獎嗰日會打扮得女人啲。」

另古仔因拍攝《五個小孩的校長》與五個可愛小朋友結緣，問到古仔可有考慮上契？他說：「有諗過，不過得閒見吓都開心，都掛住佢哋。」問到會否因而想生B？古仔說：「我一向鍾意小朋友，但唔會一時衝動去生。」

齊齊告別夜蒲

古仔與君如皆表示很久沒到蘭桂坊消遣，古仔說：「我都有十幾年冇嚟蘭桂坊。」君如則表示因現時生活習慣早睡早起，朝早還要送女兒返學，故也很久沒有夜蒲。