泰國外遊　吳啟華疑似約埋前妻陪囡囡度假

喺舊年同前妻石洋子離婚嘅藝人吳啟華，近日帶咗囡囡去泰國旅行，仲喺網上開心Share話：「開心的時間過得特別快！馬上要結束今次泰國之行了，明天是最後一天！爸爸已經安排好坐遊艇出海！如果運氣好，說不定會釣到一兩條魚作為晚餐。」

咁啱得咁橋嘅係，佢前妻石洋子亦同樣身處泰國，亦同樣喺網上大晒旅遊靚相。咁到底佢哋係齊齊喺泰國陪囡囡，定還是咁啱同一時間喺泰國旅行，就真係要問佢哋先知喇。