張兆輝唔敢撈過界搞婚紗生意

藝人張兆輝穿上藍色禮服出席婚禮雜誌頒獎禮擔任頒獎嘉賓，問到有投資美容生意的他，可有興趣踩過界發展婚紗生意？他說：「要純熟先得架喎，我影相又唔夠你哋（記者）叻，要精益求精就要咩都重新嚟過，都係美容熟手啲，我影相都係玩吓，萬一人哋結婚最美一刻捕捉唔到就唔好啦。」

向來鍾情攝影的輝哥表示以前最愛影小朋友，因可透過相片回憶當年，他稱有意將子女由小到大的照片輯成相片雜誌，但由於照片數目太多，一直未有時間動工。問到可會與太太補影婚照？輝哥笑言：「太太已經成日話要補影，到有時間影，佢又話要操弗啲先。」