鄭欣宜自爆周身紋身

鄭欣宜到電台宣傳新歌，她表示現階段已派了兩首歌上台，但暫未有出碟計劃：「唔想為出碟而出碟，好驚會變咗怪獸碟，我出道咗六年，想每首歌都有意義囉，上次同公司傾，都係話下年先出，依家一直都有收緊Demo，想首首歌都度身訂造。」

她又表示與周柏豪參與同一電影後，有意找對方在音樂上合作：「係我自己去搵柏豪同陳詠謙合作，想做一個自己想講嘅故事，係首慢歌，好反映到我自己嘅思想。」欣宜大讚公司給予很大自由度，但開始感到壓力：「依家有少少擔心，因為從未試過作出決定，希望出到嚟啲粉絲會接受到啦。」

紋身梅花代表媽咪

另外，身穿短袖衫的欣宜露出了右手樹形紋身，她表示原來自十八歲起已紋了多個紋身在背脊：「第一個紋身喺2006年，覺得18歲大個女，同個朋友互相Design紋身，最後紋咗兩條菜嘅物體。之後因為媽咪（肥姐沈殿霞）唔舒服，想紋啲代表佢嘅嘢，整咗個梅花喺背脊，因為梅花喺冰天雪地都會開花，好代表到媽咪。」

紋身水仙代表外婆

她又指其後再紋了一朵水仙花，因一手湊大她的外婆花名正是水仙。至於月前右手紋上的樹形紋身，她表示：「代表生命，不斷成長，都係代表緊我同屋企人。（同男友紋愛的紋身？）唔鍾意同朋友share紋身，細個她興一齊去釘耳窿，我都唔鐘意。」

她重提當年第一次紋身，肥姐得知後非常震怒：「媽咪係咁捽，以為係假。之後紋多幾個，佢就ok啦。」問到可有機會展示她的各個紋身？欣宜說：「冇咁嘅諗法，覺得呢啲比較私人，反正我都收埋咗咁多年。」