祖兒化身超級運動員　火拼陳妍希李治廷

近年內地真人騷節目百花齊放，備受中港台熱捧的節目《爸爸去哪兒》、《一路上有你》等，全部都有冠名贊助，電視台分分鐘收過億冠名費，難怪內地電視台如此揼本以「天王天后價」利誘中港台韓紅星強勢加盟真人騷，打造巨星級節目！

而一向錫身兼甚少參與綜藝節目的樂壇天后容祖兒（Joey），亦被誠邀加入全新運動真人騷《超級運動員》（暫名），發揮天后級運動神經！

據知，即將於下個月開始拍攝的《運動員》，會在北京、杭州、深圳及東莞等地進行外景拍攝，除了有明星隊長Joey，台灣女星陳妍希、藝人李治廷等都有份以隊長身份坐陣，齊齊對壘，激鬥「四項全能」羽毛球、游泳、籃球及足球！

林丹孫楊做教練

節目教練陣容亦唔惹少，為了針對式訓練「四項全能」，邀來羽毛球代表「超級丹」林丹、游泳代表孫楊、曾打過NBA的易建聯，以及2013年亞洲足球先生鄭智。教練們更會落場比賽，明星隊長們亦可廣邀圈中好友客串做啦啦隊或進行「PK賽」，據知謝霆鋒有機會以嘉賓身份與「超級丹」打羽毛球；「吹神」陳奕迅、少女時代前成員Jessica亦隨時有機會做星級嘉賓！

勤鍛鍊做足準備

人前天后架勢，私底下卻相當活潑的Joey，對於可以拍攝運動真人騷感到無比興奮，更正惡補比賽規則及加緊鍛鍊。英皇娛樂藝人管理部及唱片部總監霍汶希（Mani）接受《東網》電話訪問時，亦大讚Joey相當有運動細胞：「依家Joey有加緊練習，游水佢就一向識游蛙式，要加操自由式。平時佢都跑得快，又鍾意踩單車，不過籃球同足球就唔太識，要易建聯同鄭智教。」