誰勝誰負？噴血莊思敏VS陳嘉桓制服誘惑

藝人莊思敏（Jacquelin）、陳嘉桓（Rose）、李悅彤（Liddy）及吳嘉龍等人現身大埔一會所泳池，為電台拍攝劇集。莊思敏穿上三點式泳衣谷胸上陣，露出噴血身材，而陳嘉桓就以紅色空姐裝束，配上黑絲登場。接受訪問時，Jacquelin表示今次係第一次穿泳衣拍劇，笑言：「收到通知叫我着泳衣拍嗰時，我都以為自己聽錯！」

唔介意性感拍劇

Jacquelin於劇內飾演闊太，仲要不停鬧人，問到是否同現實生活一樣？她即說：「唔係啦！我唔鬧人架！」Jacquelin又透過會與飾演小三的Rose有場落水打鬥戲，還會將對方㩒落水。另外，問到要穿泳衣拍劇可有提高身價？她表示：「冇呀，唔記得咗添！（怕唔怕畀人睇蝕？）都係泳衣啫。」又話自己怕曬黑，因為驚會遺傳到媽咪嘅斑，所以拍攝完畢就要用大量美白產品急救。

唔怕被狂㩒落水

而Rose就笑言自己今次在劇內係為了買樓才親近男人，更話自己在劇內係做「空姐鬼」。至於同Jacquelin的水中打鬥戲，她透露自己要二打一，對住吳嘉龍同Jacquelin，但自己卻不熟水性：「我唔識游水，不過有潛水牌。（怕唔怕對方唔熟手，㩒你個頭落水？）唔怕嘅，嗰度水深1米5，仲有20cm距離，我腳長唔怕！」由於要拍落水戲，Rose話有打定底，不過只準備了多一套制服，所以只可以拍1 take。