郭富城Jermaine Jackson合作:擔保好刺激

20150322
東網電視
更多新聞短片
郭富城與Jermaine Jackson見面時惺惺相惜。

天王郭富城出席亞洲電影特別大獎典禮晚宴,獲頒亞洲傑出演員大獎,他興奮表示感到榮幸:「有幸遇到唔同電影獎項係一種鼓勵,電影就好似人生,不斷要學習,自己仲有進步空間。」他透露剛從大陸拍完《西遊記之孫悟空三打白骨精》回港:「啱啱拍完!拍咗四個月,最後一日拍咗成24小時,返到嚟都暈暈哋,會爭取時間同媽咪食飯先!」不過城城表示暫時未有假期,下月會為新戲試造型,又要為馬來西亞演唱會排練,忙到爆炸!

提到米高積遜(MJ)三哥Jermaine Jackson(杰明積遜)亦有同場,城城表示第一次見到對方,之前又跟Janet Jackson合作,覺得跟其家族很有緣,對於有傳他將跟Jackson家族成員合作,城城說:「希望啦!有呢個諗法,但暫時唔透露得,係都係音樂上合作。」

至於Jermaine Jackson表示有聽過城城的音樂,知道他跟妹妹Janet Jackson合作過:「今日見到佢,覺得佢幾Nice!會約佢食飯。」他又透露之後兩人或有合作計劃,但同樣是未能透露詳情:「擔保好刺激!(音樂?)可能!(跳舞?)都可能!」他又透露Jackson家族會繼續開巡迴騷,延續MJ神話。

想同李洙赫擦火花

另外,城城對於同場的韓星李洙赫表示想跟他合作,他表示無任歡迎:「都好丫!想同唔同地方演員合作,擦出火花!(想同邊位韓國女演員合作?)冇咩喎!(覺得冇靚女?)唔係,都好多好演員,但冇指定想同邊個合作,接戲通常係睇導演。」