影視展：新劇不見天日　黎耀祥唔知原因

視帝黎耀祥（祥仔）代表新劇《梟雄》、《無雙譜》於灣仔會展出席「TVB 2015劇集推介暨海外業務合作記者會」，提到《梟雄》男主角黃秋生及湯鎮業未有現身，主角之一的祥仔稱兩位大哥都忙，加上TVB活動無法改期，因此由自己獨力撐場。對於《巾幗梟雄之諜血長天》拍畢遲遲未播，他表示未知出了甚麼問題，自己也未向高層了解，問是否因為「雞姦戲」被抽起？祥仔說：「電視尺度有幾出位，應該唔係，應該係其他原因。」

至於亞視賣劇套現，其參演的《影城大亨》的版權也獲TVB購入，他笑謂：「《影城大亨》好嘢嚟，我做得好好，都冇乜劇咁詳盡以邵逸夫嘅故事拍成電視劇。（點睇亞視套現？）佢哋有困難嘅處境，都體諒佢哋啦，雖然搞唔清邊個係老闆，但希望佢哋解決到問題，大家都開心。」此外，與羅仲謙傳緋聞的蔡思貝，跟「正印」楊怡同場也有傾談；「了解中」的洪永城與唐詩詠也有打招呼。