Mag疑遭家暴　羅孝勇力撐：佢唔會出軌

有傳歌手林欣彤（Mag）疑似被三度復合的初戀男友虐打，男方聲稱多次發現Mag出軌，更一度捉姦在床。

《東網》記者致電Mag舊愛羅孝勇（Sheldon），談到Mag疑遭家暴，羅孝勇說：「我唔知道，都係今日先知佢以前男友個名，我唔識佢，亦冇見過嗰個人。（阿Mag有冇同你講過佢畀男友打？）冇，當時大家只係會講大家拍過幾次拖。」

「男人唔應該出手打女人」

對於自己疑似被拉落水，Sheldon說：「絕對唔係我，我哋冇單獨聯絡好耐，我唔擔心呢樣嘢，我同佢都過咗咁耐，上年我都公開咗自己有女朋友。」另談到有指阿Mag男友在網上自爆「戴綠帽」，Sheldon說：「如果係真嘅話，咁做好唔啱，咁私人嘅嘢，擺明係攻擊人。」他又表示，任何男人都不應該出手打女人。

指林欣彤未回覆

問到當年與阿Mag拍拖，對方可有出軌？他說：「肯定嗰時一定冇，我認識嘅佢一定唔會咁做。」問可會致電Mag關心？他說：「我哋成班朋友有個group chat，我哋喺嗰度有關心佢，但佢仲未有回覆。」