網民熱話：激讚謝賢愈老愈有型

今年78歲的謝賢出名愈老愈有型，唔單止外觀殺食，他近日亮相內地綜藝節目《掌聲鼓起來》，穿上型格皮褸的他就像謝霆鋒上身般獻唱《因為愛所以愛》，簡直活力十足，可謂有姿勢有實際，而當年霆鋒玩掟結他，謝賢都不甘示弱Chok爆掟皮褸令觀眾勁High，而親民的他又在節目中與觀眾玩自拍，網民即大讚他不單外表keep得好，而且連舉止都瀟灑過人！

當中，有不少網民列出重點將他由頭讚到落腳，指出謝賢「頭髮多真係好，如果禿頭嘅話真係好難型得起，七十幾歲仲咁多頭髮係得天獨厚」、「身型係要毅力keep，呢樣我buy佢」、「佢舉手投足嗰種自信，非常屈機」，相信謝賢如果見到留言的話一定開心到彈起。

而在節目中謝賢更大爆霆鋒當年因不想配合製作單位咪嘴而掟結他，解開不少粉絲多年的謎團，好多霆鋒粉絲都話「薑始終愈老愈辣，最鍾意佢講嘢夠直接」咁話喎！

網民有話兒

犬xxxx目：頭髮多真係好，如果禿頭嘅話真係好難型得起，七十幾歲仲咁多頭髮係得天獨厚！

一直xxx山：身型係要毅力keep，呢樣我buy佢。

xxyixx9：佢舉手投足嗰種自信，非常屈機。

elxxxq：姜（薑）始終愈老愈辣，最鍾意佢講野夠直接！

才xxxx記：以前啲明星真係堅！