Think Big小學雞愛嗌交

20150326
東網電視
更多新聞短片
Think Big四位主持是新一代無綫兒童節目主持,私底下原來都是小學雞,喜歡鬥嘴。

藝員余德丞(Dickson)、黃愷怡(Jasmin)、林希靈和黃碧蓮(Linna)早前接棒成為新一代無綫兒童節目主持,在《Think Big天地》中將歡樂帶給小朋友。然而四人除了在鏡頭內火花不斷之外,在鏡頭外更散發着「小學雞」式火藥味,希靈自爆經常與Dickson互相開火:「佢試過大聲鬧我自私,然後我真係嬲再鬧番佢!」Dickson聞言即自辯:「我不嬲都唔食芝士,嗰次我係話唔好落晒成個Pizza,但係你又落!」希靈回道:「個Pizza都唔使你食!」令Linna立即做和事老:「唔好再嗌交喇!」令人哭笑不得。

不過,當談到是否以四代主持譚玉瑛做目標時,他們就變回認真、正經,並指目標更為遠大,Dickson說:「想做個全面啲嘅主持同司儀,多方面都涉獵到就最好!」Jasmin坦言眼前目標是做好這個節目:「諗得太多對件事冇咁好!」Linna直言最想為小朋友做個榜樣:「因為監製知我有興趣開兒童中心!」希靈更說:「監製都講過呢個係過度期,係一個train我哋嘅地方。」

早在他們之前已有好幾代兒童節目,問有否因比較而感到壓力?Jasmin直言這一代的主持已非傳統的老師角色:「係好似屋企人咁去啟發小朋友,仲有一個『Think Big Family』去解答佢哋問題。」希靈笑說:「我哋真係會覆架!」兩人接手前更有向兒童節目前輩蕭徽勇取經,Jasmin謂:「好似聲線咁,教我點樣講得清楚啲!」Dickson聽到後就繼續發揮「小學雞」本色:「點解你哋兩個唔話畀我知點做!」令希靈再次還火:「你唔係一個會向我哋學習嘅人囉!」搞到在旁的Linna不知如何是好,場面搞笑!