破壞公物?蔡一智石級留名

20150326
東網電視
更多新聞短片
唔知邊位咁多手將蔡一智個名劃落石級到,有「破壞公物」之嫌!
日日運動身體好,男女老幼做得到!就連國際影星周潤發(發哥)都深明呢個道理,仲成日周街走,又去行吓山,順便畀人集吓郵咁。而圏中亦有一班同樣熱愛運動嘅老友周不時都組團行山或者做瑜伽,就係以蔡一智、黃佩霞為首嘅星級運動團啦~趁噚日如此好天氣,蔡一智就呼朋引伴去出身汗兼親親大自然,仲搵埋梁漢文、容祖兒、袁詠儀同老公張智霖行足三個山頭,腳骨力強勁嘅蔡一智仲留言:「今天行山隊很熱鬧,由隊長黃佩霞帶領下征服了三個山頭,沿途風景如畫,全部隊員都向著健康之路邁進!耶!」之不過睇真啲相,石級上面寫咗「蔡一智逆走」、「YAY」等字眼,雖然唔知邊個劃上去,不過就有「破壞公物」之嫌喎!喺石級劃字位朋友下次唔好咁曳曳啦,要做個好公民吖!