何雁詩林師傑譚嘉儀加盟星夢

星夢娛樂集團有限公司日前在「香港國際影視展2015」舉行發布會，正式宣布何雁詩（Stephanie）、林師傑（Auston）及譚嘉儀加盟，一眾星夢歌手許廷鏗、吳若希、鄭俊弘、鄭世豪及謝文欣亦有到場支持，老闆何哲圖（Herman）更在發布會上大讚三位新加盟歌手！

Stephanie表示老闆的說話為她打下強心針，雖然剛開始合作，但雙方就事業或音樂的看法都非常脗合，所以很期待合作：「之前嗰兩年同舊公司合作好順利，多謝佢哋令我睇到真正要做一個歌手嘅路。嚟緊我同星夢合作，我會更加做好自己本份，會一直進步，一次比一次好！」Auston則說：「今日正式成為星夢旗下嘅歌手，要多謝Herman一直以嚟對我不離不棄！我好開心，仲帶咗媽咪嚟見證呢一刻，之後我會繼續做好自己，寫更多好歌！」

嘉儀則坦言心情既緊張又興奮，前一晚更因而失眠，不過非常感恩終於能正式成為歌手：「好多謝Herman對我嘅信心，我一定會繼續努力，希望好快可以有一首屬於自己嘅歌！」