以生命影響生命　陳僖儀妹成立慈善基金

逝世將近兩年的歌手陳僖儀（Sita）生前曾說過希望以生命影響生命，她的妹妹陳楚晶便為她完成心願，成立了慈善基金， 更舉辦了簡介晚會， 當中女子組合Hotcha的成員Crystal亦到場支持。妹妹在會中接受訪問時說道：「Sita喺生前有做義工，見到露宿者會派飯，見到老人家又想幫忙，自己都有日行一善嘅想法，我哋希望可以承繼佢嘅遺願，繼續幫其他人。」

她談到基金會成立的過程：「Sita過身後啲fans都好支持佢，會組團做義工，後來就想成立基金會，結集大家嘅愛心同力量去幫人。咁樣唔單止係承繼Sita嘅愛心，從中我哋亦覺得好開心。」妹妹表示Sita的媽媽因有要事未能出席，因此會借拍短片向大家說話。

Crystal讚Sita係大好人

Crystal接受訪問時亦大讚Sita是一個大好人，：「佢唔單止幫人，佢亦都好幫我。佢好照顧我，有一次去佢生日會，但我一個朋友都唔識，但佢好take care我，會陪我，又搵朋友同我傾偈。有時有啲衫佢唔着或者覺得好靚佢都會畀我，平日又會關心我，所以覺得佢好好。」她更表示Sita是一個很主動的朋友，同時亦很疼錫家人。

問到最記得有關Sita的事情時，她憶述：「我覺得係佢啲笑聲，因為以前成日見，一齊做嘢，又一齊傾偈，我最掛住佢嘅笑聲。早排佢生日我都有諗起佢，希望佢喺第二個地方都快樂。」Crystal表示生前經常與Sita出席慈善活動。