鄧一君鋪路做星爸：囡囡拍廣告貴精不貴多

童星出身的鄧一君帶同七歲囡囡鄧頌情於九龍灣出席電影首映禮，他表示曾經與囡囡行街被傳媒拍到，而囡囡的同學在報道上認出她而感到興奮，也愛上被拍，今日出席活動亦因為喜歡面對記者。

問會否考慮讓囡囡當童星？他說：「好忐忑，因為自己係童星出身，知道條路好難行，試過畀啲同學杯葛，背後有壓力。」他表示目前很少在幕前亮相，而早前無綫曾邀請他與囡囡一同出席親子節目，不過他認為囡囡年紀細，拒絕了。

同囡囡一齊度劇本

問囡囡有否獲邀拍廣告？他說：「有，不過價錢唔啱推咗，因為一接廣告個價就定咗，我想貴精不貴多。」他大讚囡囡有演藝細胞，曾在家中與他度劇本，他說：「佢諗好每一集做啲咩，真係有紋有路。」