亞視不獲續牌：何守信「摺埋佢啦！」

不獲續牌的亞視，各部門員工不繼流失，及至昨日新聞部再有兩名員工離職，緊拙的採訪人手只剩下五﹑六名外勤記者，很難應付每日的新聞播出。有見及此，無綫正準備向亞視提供本地及外國新聞片，以減輕其採訪上之壓力，以保資訊服務維持。

無綫集團行政總裁李寶安昨承認隨時供片：「新聞片上，無綫可隨時供應亞視係無問題，亦不干予其新聞題材包裝，甚至連外國新聞片亦可提供，（需要費用？）外國新聞片嘅版權費上，再加亞視播出權限費用亦有限錢，每年大概六位數字，問題不大，不過，至目前仍未收到亞視求助！」

而亞視副總裁（新聞）劉瀾昌昨電話回覆稱採訪工作暫可應付，對無綫施予援手大表歡迎：「當然歡迎無綫幫忙，我哋兩台向來冇乜芥蒂，至於係咪有急切需要，就要睇事態發展，每名員工都會盡最後一分力去服務觀眾。」

而曾在亞視新聞部擔任主播的何守信（何Ｂ）和朱慧珊對此反應各異，何Ｂ昨在電話中更有點勞氣叫亞視「摺埋佢啦！」：「我比較直率！叫佢（亞視）摺埋佢啦，仲服務咩觀眾呢？」而與可Ｂ於1999年擔任了為時半年的新聞部主播朱慧珊則認為無綫供新聞片，是無辦法之中的一個好方法：「當年我同何B做主播時期，係亞視新聞部嘅全盛期，但而家剩低咁少人，的確好難維持，無綫供片都係一個好方法。」