城城做慣白髮阿叔　落咗妝反而唔慣

郭富城（城城）率領譚耀文及導演翁子光等，出席「第39屆香港國際電影節閉幕電影《踏血尋梅》世界首映禮」。談到戲中飾演50多歲老差骨，城城表示拍攝時日日染白髮，化妝也足足花了半個鐘，又直言有時嫌煩不想洗頭，但擔心生頭瘡，故最終也要屈服。問見到自己的老妝可有嚇親？他說：「冇，已經投入咗角色，反而落妝後，見到本來個樣唔慣。」

唔想生瘡焗洗頭

城城又指很開心與一眾專業的演員合作：「雖然好多都係新人，但佢哋好有潛質，希望佢哋有好嘅發展，呢套係導演第三部作品，佢好有爆發力，因為佢自己做編劇，所以知道觀眾需要乜，好似有動作、喜感、激情、藝術成份。」提到跟長居於美國的金馬影帝艾迪合作，他指對方也想在電影界再作發展，又大讚艾迪：「佢依然寶刀未老！」另外，該片獲多個國際電影節邀請參展。