仙樂都自爆被黃姓藝人性騷擾

仙樂都（Yoyo）以泰國潑水節大使出席潑水活動，作為中泰混血兒的Yoyo笑言今年是首次在香港過潑水節，比較香港和泰國兩地潑水節，Yoyo表示：「香港斯文啲，泰國隆重同埋比較瘋狂，之前喺泰國試過被人從後淋，搞到眼睫毛都甩咗一邊，同埋成口都係水，不過依啲係祝福嚟，所以都開心。」

每年都會出寫真的Yoyo透露今年書展將會推出文字書，她說：「以文字為主，以插圖、少許個人相配合。書入面會講我16歲入行經歷嘅不同事情、做錯嘅事，拎出嚟同大家分享。」Yoyo續言更會解答不少新入行model初入行所面對的問題。

出書訴委屈

另Yoyo更大爆屆時會在書中分享被抽水一事，她說：「我無講過畀人聽嘅，但個個人仲要喺網上面唱我，話我攞佢嚟宣傳，我會Copy番電話啲圖。佢有佢嘅粉絲，當然會話我拎佢嚟宣傳，咁我都要同我粉絲解釋。如果佢冇做過又使咩同我Say sorry？事實勝於雄辯。」問到對方是誰的時候，Yoyo未有即時指出對方名字，只是給予提示說：「姓黃，三個字，我唔係話要針鋒相對，佢觸碰到我嗰個地方，監製都話叫我唔好講，所以我都無講，但我覺得好委屈，所以要在書中抒發。」Yoyo表示事情發生在她與該黃姓男子拍微電影的時候，她又透露此書有投資者投資，現已完成三分之一。