蕭芳芳預告離港覓神醫救耳

20150414
東網電視
更多新聞短片
聽力日漸衰退的蕭芳芳在出席「護苗基金」活動,為慈善出心出力。

資深女影星蕭芳芳以「護苗基金」會長身份出席於由小學舉辦的活動,提到請來李克勤及鄭欣宜為動畫短片聲演,芳芳姐坦言親撰信件誠邀兩位參與,並大讚克勤天賦靚聲好好聽,而欣宜就好堅強:「一諗到欣宜就掛住肥肥(肥姐沈殿霞),好辛苦,我覺得欣宜21歲媽咪就走咗,係唔容易㗎,希望肥肥喺上天有靈庇護佢,因為佢一個女仔喺演藝界好辛苦,演藝界係一個起起落落嘅事業,希望佢堅持下去,我好錫佢,佢依家都行得好好,我都好安樂,希望肥肥都安樂,因為大家都好錫佢個女。」並慨嘆現時電視上缺乏肥姐般的笑聲,令香港少了歡樂。

湊孫沖涼灌輸性教育

活動上,芳芳姐又分享與兩歲孫兒的樂事,為孫兒洗白白時順便灌輸性教育,提醒孫兒切勿讓他人觸碰重要部位,結果芳芳姐女兒為BB洗澡時,BB卻不准母親掂其重要部位,相當搞笑。

問現時生活是否弄孫為樂?她解釋BB父母外出工作,因此周未才寄住其家中:「搞到我周身唔得閒,同佢兩個癲,一個大癲、一個細癲,我下個星期都離開香港,去睇神醫,睇吓對耳有冇進步(芳芳姐右耳先天失聰,左耳十多年前也因神經細胞壞死,耳鳴情况一天比一天嚴重),希望肥肥在天之靈保佑我同欣宜。」